لقاء مع خبيرة التسويق الإلكترونى وحملات الـ SEO شيرين بدر
10

لقاء مع خبيرة التسويق الإلكترونى وحملات الـ SEO شيرين بدر

فى هذه التدوينة نحاور واحدة من أشهر خبراء التسويق الإلكترونى فى مصر  ومتخصصة تخطيط وإدارة حملات سيو , تعمل فى أحد أكبر شركات الإعلانات المبوبة فى الوطن العربى بيزات , كـ SEO Expert , ولديها أكثر من 28 ألف متابع لما تكتبه على مدونتها الشخصية " التسويق الإبداعى " نحاور شيرين بدر اليوم ونسألها عدة أسئلة حول رؤيتها العامة للتسويق الإلكترونى ومركز الـ SEO Specialist بشكل محدد ونتعرف على أرائها فى تحديثات جوجل المتجددة وما الذى تتوقعه فى الفترة القادمة لسوق التسويق الإلكترونى فى الوطن العربى, شيرين بدر تم إستضافتها العديد من المرات على شاشات التلفزيون المختلفة كشاشة الحياة و MBC وشاشة Nile Live لتعرف الناس بشكل أكبر عن التسويق الإلكترونى وما هى مراحله وكيفية الربح من الإنترنت عن طريق إدارة حملة تسويقية ناجحة , يُمكنكم متابعة شيرين بدر على صفحتها الشخصية من هنا وفيما يلى نص الحوار الذى دار بيننا



إزاى بدأتى فى مجال التسويق الإلكترونى وليه إختارتى مجال الـ SEO تحديداً ؟

بدأت اشتغل تسويق من وانا في الكلية سنة 2000 ومريت بكافة مراحل التسويق ، التسويق الشبكي ، التسويق المباشر ، العلاقات العامة ، المبيعات ، كل ما له علاقة بالتسويق انا اشتغلته معارض خارجية ، كل حاجة تقريبا لحد ما بدأت سنة 2006 تقريبا ادخل مجال التسويق الالكتروني على استحياء وبدأت الاحتراف فيه بداية من 2009 تقريبا طول الوقت بذاكر ولازم اقرأ كل يوم مجموعة من المقالات وممكن كتاب معاهم على حسب الوقت المتاح اشتغلت في السوشيال ميديا واشتغلت Seo بداية من 2011 اعتمدت على نفسي وكنت بذاكر باستمرار واطبق اللي بذاكرة ده على طول وادخل في حوارات ونقاشات مع ناس في المجال عشان اتعلم اكتر

ممكن تكلمينا أكثر عن عملك كمتخصصة SEO فى بيزات وإيه المؤهلات اللى بيتطلبها مركزك ؟

طبعا شغل ال seo بيعتمد على التحليل باستمرار وترجمة نتايج التحليل دي وتحويلها لفعل معين عشان يكون الاداء أفضل بالإضافة للبحث دايما عن طرق سليمة للظهور في جوجل وباقي محركات البحث في النتايج الاولى وطبعا ده ما بيكونش بسهولة خاصة اني ما بشتغلش شغل البلاك هات وبحاول دايما اشتغل كما يقول الكتاب مع الابتكار ووضع اللمسات الخاصة ودي اللي بتفرق شخص عن التاني, بالنسبة للمؤهلات مش محتاج اكتر من انك تكون مركز ، مدرك أهمية الشيء اللي بتعمله ، متابع جيد لكل تحديث جديد من جوجل

ممكن تقوليلنا أكثر 5 نقاط لازم أى شخص بيشتغل فى الـ SEO انه يهتم بيها ؟

  • انه يكون مطلع دايما على اي تحديثات جديدة وما اكثرها
  • انه يكون مركز طول الوقت على المحتوى بتاعه
  • متابعة المنافسين
  • التعرف على ادوات جديدة ممكن تساعدك في شغلك
  • انه يبتكر في طرق مشروعة للوصول للنتائج الاولى في محركات البحث

إنتى شايفة إن طريق بناء الباك لينكس التقليدى مازال فعال ولا لا وليه ؟

طبعا التحديثات اللي بتحصل كل يوم في جوجل هدفها الاساسي هو ان المستخدم يلاقي الشيء اللي بيبحث عنه فطبعا طرق بناء الباك لينكس التقليدية في المنتديات والادلة وماشابة خلاص مابقتش هي دي الاساس اللي جوجل بيقيم عليه الموقع بالعكس دي ممكن لو اتعملت بطريقة واضحة تضر اكتر ولو ما ضرتش مش هتفيد كتير
التركيز الاساسي يبقى على تهيئة المحتوى وتهيئة مواقع التواصل الاجتماعي واستخدامها بطريقة احترافية


هل فى علاقة مباشرة ما بين الـ SEO والسوشيال ميديا
عايزين نعرف رأيك كمتخصصة فى تأثير السوشيال ميديا على نجاح أى حملة SEO من عدمه ؟


طبعا في ناس بتقول ان مافيش علاقة مابين السوشيال ميديا وال seo وجوجل بيحاول يقنعنا انه ما بيستخدمش السوشيال ميديا ك Ranking factors وبيحاول انه يركز على جوجل بلس ويوتيوب بما انها من منتجاته لكن ما ننكرش ان ال social signals لها اثر اكيد بيكون واضح على الاقل في الترافيك للموقع ولكن خلينا نقول ان اهم سوشيال ميديا ممكن نركز عليها تفيدينا في ال seo بعد جوجل بلس ويوتيوب ممكن تويتر وتمبلر


بعد التحديثات المستمرة من جوجل أصبح مركز متخصص الـ SEO بيتطلب منه مهام جديدة زى كتابة المحتوى والتعامل مع السوشيال ميديا بشكل أكبر , شايفة إن الـ SEO بينتهى تدريجياً ولا لا ؟

عمر ال seo ما هينتهي لكن ممكن المفهوم يتغير في المضمون بمعنى ان بدأ يظهر مصطلح جديد حاليا وهوoc/dc
بمعنى optimization content for discovery and conversation
وده بمعنى تهيئة المحتوى بطريقة ملائمة لمحركات البحث وللمستخدم بحيث يستطيع المستخدم نشر المحتوى على مواقع اخرى زي مواقع التواصل الاجتماعي وده مش هيحصل من غير تقديم محتوى جيد ، حصري ، مفيد للمستخدم وقابل للنشر على مواقع التواصل الاجتماعي اللي بيزيد عليها النقاشات والمشاركات وده كله بيفيد في النهاية الموقع بتاعنا


شيرين بدر هى مثل أعلى لناس كثير فى مجال التسويق الإلكترونى وناس كثير نفسها تبقى زيك , إنتى مين مثلك الأعلى فى المجال بتاعنا ؟


بصراحة عمري ما فكرت في موضوع المثل الاعلى ده يعني عمري ما شوفت حد وقولت انا عايزة ابقى زي فلان لأني طول عمري عايزة ابقى شيرين بدر مش حد تاني ولا شبه حد تاني واعتقد ان كل واحد عليه انه يبقى نفسه حلو اننا نتعلم من اللي سبقونا بس ده ما يمنعش اننا نكون نفسنا ونحاول نطور دايما ونتفوق في مجالنا


لو عندك القدرة على تغيير شئ فى جوجل , إيه اللى ممكن تغيريه ؟

نظرته للمحتوى العربي وتهميشة لها واساوي المحتوى العربي بالأجنبي عشان اشجع الناس تكتب محتوى عربي اللي نسبته حاليا لا تزيد على 3% من محتوى باقي اللغات واللي النصيب الاكبر طبعا للغة الانجليزية


هناك 10 تعليقات

  1. إنسانة مميزة جدا ومحترمة جدا أرجو إني اتعامل معاها في يوم من الايام إن شاء الله

    ردحذف
  2. تحدث شيرين بدر في الفيديو الدقيقة 4:40 عن موقع للتسويق، لكن لم أستطع معرفة الموقع لأنها ذكرته بطريقة سريعة. هلا أعطيتني هذا الموقع لو كنت ترفه لو سمحت
    شكـــــــــــراً لك

    ردحذف
  3. دائما نستفيد من الاستاذه القديرة شيرين , وانا من المتابعين لها واعتبرها واحده من الاساتذه المتميزين جدا في التسويق الالكتروني , لها كل التقدير والاحترام ونشكرك استاذ احمد على هذه المقابلة الرائعة

    ردحذف
  4. ممتازة ، ثقافة عالية فعلا فى مجال السيو - نتمنى لحضرتك مزيد من التوفيق والنجاح

    ردحذف
  5. لقائي على نايل لايف تضمن ذكر بعض المواقع اللي ممكن تساعدك في ايجاد عمل حر او تحويل موهبتك / هوايتك لمصدر دخل زي :
    اسناد بيع خدماتك
    https://asnadstore.com/

    odesk لو انت مصمم ، مترجم ، مبرمج ، مسوق تواصل مع عملاء من كل بلاد العالم
    https://www.odesk.com/

    بيع اي شيء مش لازمك على بيزات
    http://www.bezaat.com/

    translatorscafe لو انت مترجم
    http://www.translatorscafe.com/cafe/default.asp

    لو انت بتصور بيع صورك هنا
    http://www.photoboxgallery.com/

    اكتب مقالات وبيعها
    http://www.ehow.com/

    صمم لوجوهات وبيعها
    logomyway.com

    عايز تنجح ساعد غيرك انه ينجح

    ردحذف
  6. مشكووورين على المعلومات القيمة

    ردحذف
  7. شرين ممكن صفحتك او بروفايلك علي الفيس بوك؟

    ردحذف
  8. مشكورة استاذه شيرين ..

    ردحذف
  9. انسانة محترمة تهتم بالمحتوي العربي

    ردحذف

تابع سيو صح

تواصل معنا مباشرة

الاسم

بريد إلكتروني *

رسالة *